Плаќате за безбедносен плагин, за заштитен ѕид, за одржување — а лозинката ви е името на фирмата плус 123. Еве ги петте минути што прават најголема разлика.
1. Двофакторска најава (2FA) — веднаш
Дури некој да ја дознае лозинката, без вториот чекор не влегува. Како: инсталирајте плагин (WP 2FA, Wordfence Login Security или Two Factor) → изберете апликација (Google Authenticator, Authy, Microsoft Authenticator) → скенирајте го кодот → зачувајте ги резервните кодови на сигурно.
Правило: 2FA задолжително за СЕКОЈА администраторска сметка. Не е предлог.
2. Менаџер на лозинки
Никој не памети 40 различни лозинки — затоа сите користат иста, а тоа е вистинскиот проблем: една пробиена услуга значи пробиено сè. Bitwarden (бесплатен) или слични: една главна лозинка, останатите ги памети тој и ги пополнува сам.
3. Кои лозинки да ги смените ВЕДНАШ
- WordPress администратор · cPanel/хостинг · е-пошта · база (ако сте ја менувале рачно) · FTP
- Секаде каде користите иста лозинка како некаде другаде
4. Како изгледа добра лозинка
Долга е поважно од компликувана: четири случајни збора („кафе-мост-сино-9-риба“) се посилни и полесни од Pa$$w0rd1. Или уште подобро: нека ја смисли менаџерот, вие не мора да ја знаете.
5. Ситниците што ги фаќаат ботовите
- Корисник admin — преименувајте го; половина од нападите го пробуваат само него
- Ограничување обиди за најава (Limit Login Attempts) — по 5 погрешни, пауза
- Не праќајте лозинки преку Viber или мејл; ако морате — сменете ја веднаш потоа
- Кога вработен заминува: избришете ја сметката, не само сменете лозинка
Реалноста
90% од сајтовите што ги чистиме беа влезени преку стара верзија или слаба лозинка — не преку „напреден напад“. Затоа: ажурирања + 2FA + менаџер на лозинки = мирен сон, бесплатно.