Ако вашиот бизнис работи со термини, најголемиот трошок ви е телефонот: ѕвони додека работите, а вечер имате 12 пропуштени повици — од кои половина отишле кај конкуренцијата.
Што решава систем за резервации
Прочитај и
- Клиентот закажува во 23:00 кога ќе се сети — вие не мора да бидете будни
- Нема дупли термини — системот ги гледа зафатените
- Автоматски потсетници (мејл или SMS) — најдиректниот начин да ги намалите непојавувањата
- Знаете однапред што доаѓа — планирање на екипа и материјал
- Историја на клиентот: кој кога бил, што работел
За кого е
Фризери и салони · стоматолошки и лекарски ординации · автосервиси и вулканизери · фитнес и тренери · ветеринари · фотографи · консултанти · сервиси за апарати.
Што ви треба технички
- WordPress со плагин за резервации (постојат бесплатни и платени; изборот зависи од дали ви требаат плаќања и повеќе вработени)
- Дефинирани услуги со времетраење и цена (шишање 30 мин, боење 90 мин)
- Работно време и паузи
- Мејл потврди што реално стигаат (види ја статијата за SMTP — ова е местото каде најчесто паѓа)
Стапиците од искуство
- Премногу чекори — ако резервацијата бара 6 екрани и регистрација, ќе ви се јават по телефон. Три чекора: услуга → термин → податоци.
- Нема потврда — клиентот не е сигурен дали успеало и сепак ве бара
- Нема потсетник — најголемата загуба се непојавувања; потсетник 24 часа однапред ги преполовува
- Не е синхронизирано со вашиот календар — ако вие пишувате во тетратка, а сајтот во база — ќе има судир
- Не работи на мобилен — 80% ќе закажат од телефон
Совет
Оставете го и телефонот видлив. Некои клиенти сакаат да чујат глас — резервацијата не е замена, туку алтернатива што работи додека вие работите.
Дали вреди?
Пресметајте: колку термини месечно губите поради пропуштен повик? Ако е 5 термина по 1.000 денари — тоа е 60.000 годишно. Системот се исплаќа во првиот месец.