Содржина што продава — како да пишувате текст за сајт

Може да имате најбрз хостинг и најубав дизајн, но ако текстот на сајтот не убедува — посетителот заминува. Добрата вест: пишувањето што продава не е талент, туку неколку правила што секој може да ги примени.

1. Зборувајте за нив, не за себе

„Ние сме водечка компанија со 10 години искуство“ — никого не интересира. „Вашиот сајт ќе биде готов за 2 недели, без да ве бркаме за материјали“ — тоа решава нивна грижа. Правило: секој пасус да одговара на прашањето на клиентот „што добивам јас?“

2. Јасно наместо паметно

Не „холистички дигитални решенија“ туку „правиме сајтови и продавници“. Посетителот за 3 секунди мора да разбере што нудите. Ако мора да размислува што значи насловот — веќе изгубивте.

3. Придобивки, не карактеристики

Карактеристика: „NVMe дискови“. Придобивка: „сајтот се вчитува за 1 секунда, па клиентите не заминуваат“. Луѓето не купуваат карактеристики — купуваат што тие карактеристики значат за нив.

4. Едно јасно копче (call to action)

Секоја страница треба да води кон едно дејство: „Побарајте понуда“, „Нарачајте“, „Јавете се“. Ако давате пет опции, посетителот не избира ниту една. Кажете му точно што да направи следно.

5. Докажете дека не лажете

• Вистински примери на работа (портфолио)
• Искуства од клиенти со име, не анонимни
• Конкретни бројки наместо општи фрази
• Јасни цени или барем распон — тишината буди сомнеж

6. Пишувајте како што зборувате

Читајте го текстот на глас. Ако звучи вкочането или како да го напишал адвокат — прекроите го. Луѓето купуваат од луѓе, не од корпоративни соопштенија. Топол, јасен, човечки тон победува секогаш.

7. Куси реченици, кратки пасуси

Никој не чита ѕидови текст, особено на телефон. Кратки пасуси, поднаслови, набројувања. Оставете простор да дише. Око што гледа блок текст — прескокнува.

Проба на крајот

Прочитајте ја почетната страница како да сте странец кому пријател му ја препорачал вашата фирма. Дали за 10 секунди разбирате што нудат, зошто вас, и што да направите? Ако не — тоа е првото за поправка.

Ние го пишуваме и текстот, не само дизајнот →