Клиентот нарачал, парите поминале — и тишина. Ниту вие добивате известување, ниту тој потврда. Освен нервоза, ова носи и барања за поврат („не сум сигурен дали помина“). Одете по редослед.
1. Дали Woo воопшто ги праќа
WooCommerce → Settings → Emails: проверете дали е-мејлот „New order“ е Enabled и дали Recipient е ВАШАТА адреса (често останува демо адресата од инсталација). Тука се и „Processing order“ и „Completed order“ за купувачот.
2. Праќањето преку PHP mail (најчестата причина)
WordPress стандардно праќа без автентикација и мејлот завршува во спам или тивко пропаѓа. Решение: WP Mail SMTP + е-пошта на вашиот домен (детален водич имаме во посебна статија). Ова решава 70% од случаите.
3. From адресата
Ако Woo праќа од noreply@vasdomen.mk, а таа адреса НЕ постои, Gmail го отфрла мејлот. Правило: From адресата мора да е ВИСТИНСКА пошта на вашиот домен.
4. SPF и DKIM записи
Тие му велат на светот дека вашиот сервер смее да праќа за вашиот домен. Без нив, дури и правилен SMTP оди во спам. Кај нас се поставуваат автоматски — прашајте да провериме.
5. Тест по секоја промена
Направете тест нарачка со ваш втор е-маил (не истиот како админ) и проверете ги СИТЕ пораки: нова нарачка (за вас), потврда (за купувачот), фактура. Плус проверете во спам папката.
Бонус: ако праќате многу
Продавници со стотици мејлови дневно добиваат подобра испорачливост преку наменски сервис (Brevo, SendGrid). За повеќето — SMTP преку доменот е сосема доволен.
Кај нас: поставување и тестирање на мејловите за нарачки е дел од поддршката — не мора да го решавате сами.