Алатки (Tools) изгледа како место за напредни работи. Всушност содржи неколку прости, но корисни.
Состојба на сајтот (Site Health)
Најкорисното тука. Автоматска проверка што покажува проблеми и препораки.
Статус — список на што не е во ред, поделено на критично и препорачано.
Информации — сè за вашето поставување: PHP верзија, верзија на базата, лимити на серверот, активни приклучоци.
Кога ќе се јавите во поддршка, овој дел е тоа што го бараат. Има копче за копирање на сè одеднаш.
Што најчесто пишува таму
„Стара PHP верзија“ — најважната. PHP 8 е речиси двојно побрз од 7.4, а старите верзии не добиваат безбедносни поправки. Се менува во cPanel.
„Недостасуваат модули“ — обично не е страшно, но покажете му го на хостингот.
„Не е достапен REST API“ — може да значи дека приклучок за безбедност го блокира. Ако сè работи, не мора да се пипа.
„Автоматските ажурирања не се вклучени“ — свесна одлука, не грешка.
Извоз
Прави XML фајл со записи, страници и коментари.
Што НЕ содржи: слики (само линкови кон нив), приклучоци, тема, подесувања.
Затоа ова не е бекап. Тоа е најчестото недоразбирање. Вистински бекап опфаќа и фајлови и база.
Корисно за: пренос на содржина во друг сајт, или архивирање само на текстот.
Увоз
Спротивното. Има и увозници за Blogger, Tumblr, RSS.
Најкористениот е WordPress Importer — за пренос од еден WP сајт во друг.
Внимание: при увоз штиклирајте „Симни и увези прилози“, инаку сликите остануваат на стариот сајт и исчезнуваат кога тој ќе се изгаси.
И тука е Categories and Tags Converter — ако сте направиле триесет категории што всушност се ознаки, ова ги претвора.
Личните податоци — двете ставки за извоз и бришење на податоци на корисник, за GDPR барања.
Достапни алатки
Обично празна или со една ставка. Приклучоците додаваат свои алатки тука.
Што вреди да го правите
Отворајте ја Состојбата еднаш месечно. Пет минути, и покажува работи што инаку се откриваат кога ќе застане нешто.
Особено PHP верзијата — тоа е бесплатна оптимизација што повеќето сајтови ја чекаат со години.
📘 Целото упатство на едно место: Работната табла чекор по чекор — со точни патеки во менито, нумерирани чекори и чести грешки.
Ако не сакаш сам да го одржуваш WordPress — ажурирања, копии и безбедност, ние го држиме.
Одржување на WordPress →